The Best მესია: ფიფამ წლის ჯილდოები ჩამოარიგა

პარიზში, ფიფას დაჯილდოების ცერემონია The Best გაიმართა და სხვადასხვა ნომინაციებში 2022 წლის საუკეთესოები გამოავლინეს: ძირითად ნომინაციებში გამარჯვებულები ისინი გახდნენ, ვისზეც წინასწარ დაიწერა და მოსალოდნელიც იყო.

საუკეთესო ქალი მეკარე: მერი ირპსი (ინგლისი);

საუკეთესო მეკარე: ემელიანო მარტინესი (არგენტინა);

ფერენც პუშკაშის სახელობის პრიზი (წლის საუკეთესო გოლი): მარჩინ ოლეკსი (ამპუტანტი-ფეხბურთელი);

საუკეთესო მწვრთნელი ქალთა შორის: სარინა ვიგმანი (ინგლისი ნაკრები);

საუკეთესო მწვრთნელი: ლიონელ სკალონი (არგენტინის ნაკრები);

ფიფა-ს ფეარ პლეის პრიზი: ლუკა ლოჩოშვილი (საქართველო);

საუკეთესო გულშემატკივრები: არგენტინის ნაკრების გულშემატკივრები;

წლის სიმბოლური ნაკრები: ტიბო კურტუა, აშრაფ ჰაკიმი, ჟოაუ კანსელო, ვირჯილ ვან დაიკი, კევინ დე ბრუინი, ლუკა მოდრიჩი, კაზემირო, ლიონელ მესი, კილიან მბაპე, ქარიმ ბენზემა, ერლინგ ჰალანდი;

წლის საუკეთსო ქალი ფეხბურთელი: ალექსია პუტელიასი (ესპანეთი, „ბარსელონა“);

წლის საუკეთესო ფეხბურთელი: ლიონელ მესი (არგენტინა, პსჟ).