in

As.com: გაშვებული გოლები მამარდაშვილის ბრალი არ ყოფილა

ლა ლიგის 36-ე ტურის შეხვედრაში “ვალენსია” საკუთარ მოედანზე “ბეტისს” დაუპირისპირდა და უსახური ფეხბურთით 0:3 დამარცხდა.

გიორგი მამარდაშვილი ძირითად შემადგენლობაში იყო და 2 სეივი გააკეთა, მაგრამ 3 გოლი გაუშვა. whoscored.com-მა 21 წლის ქართველ მეკარეს ყველაზე დაბალი შეფასება დაუწერა.

As.com წერს, რომ მამარდაშვილს თავისი გუნდის გადარჩენა არ გამოუვიდა, მაგრამ გაშვებულ გოლებში მისი დადანაშაულება უსაფუძვლოა.

“ვალენსიამ” “მესტალიაზე მორიგი უსახური თამაში ჩაატარა. გიორგიმ კანალესის რთული დარტყმაც მოიგერია, მაგრამ გუნდის გადარჩენა ვერ მოახერხა. “ღამურების” დაცვა მთელი მატჩი საშინლად მოქმედებდა და გაშვებულ გოლებში ქართველი მეკარის დადანაშაულება რთულია”, – წერს ესპანური გამოცემა.

გიორგი მამარდაშვილმა ლა ლიგის მიმდინარე სეზონში “ვალენსიას” მაისურით 18 შეხვედრა გაატარა.

ავტორი Tato Nikuradze

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Loading…

0