საქართველომ მინუსები დაინახა: ზუროსი დაცვით უკმაყოფილოა – ვიდეოკომენტარები

საქართველოს ნაკრებმა ევრობასკეტისთვის მოსამზადებელ ეტაპზე პირველი საკონტროლო მატჩი გამართა და ქალაქ კეჩკემეტში უნგრეთთან 88:89 დამარცხდა.

წავაგეთ, მაგრამ მნიშვნელობა არ აქვს – 88:89 უნგრეთთან

მატჩის შემდეგ მთავარმა მწვრთნელმა ილიას ზუროსმა აღნიშნა:

„კარგი იყო, რომ გიორგი ცინცაძემ დაახლოებით 23 წუთი ითამაშა. ტრავმის შემდეგ იგი ნაკრებს დაუბრუნდა და ფორმასაც იბრუნებს. ცუდად ვითამაშეთ დაცვაში, რაც აუცილებლად გამოსასწორებელია. ბევრი მოხსნა დავთმეთ, ერთი-ერთზე დაცვითაც უკმაყოფილო ვარ. თუმცა ევრობასკეტამდე დრო გვაქვს და პოზიტივი უნდა შევინარჩუნოთ“.

დუდა სანაძე:
„ყველა მატჩზე მოსაგებად გავდივართ, თუმცა ამ ეტაპზე მთავარი იყო დაგვენახა ჩვენი მინუსები. დავინახეთ კიდეც და ბევრი უნდა ვიშრომოთ, რომ ოფიციალურ მატჩებამდე გამოვასწოროთ“.

მანუჩარ მარკოიშვილი (ილიას ზუროსის ასისტენტი):
„პირველი მატჩი იყო საზაფხულო შესვენების შემდეგ და ამის კვალობაზე უკმაყოფილოები არ ვართ. მთავარი იყო დაგვენახა ჩვენი პრობლემები. ამ მატჩმა ნათლად დაგვანახა და ვიცით რა გზით ვიაროთ მაღალ მიზნებს რომ მივაღწიოთ.“