რეალი ისევ ყველაზე მდიდარია

კონსლატინგური კომპანია KPMG Football Benchmark-ის ანგარიშის თანახმად, მადრიდის „რეალი“ ევროპის ყველაზე მდიდარ კლუბად რჩება.

ანალიტიკოსების ანგარიშში 32 ევროპული კლუბის ღირებულებაა დათვლილი მათი წლიური ფინანსური ანგარიშისა და ღირებულების შეფასების საფუძველზე.

„რეალი“ ზედიზედ მეოთხე წელიწადია ყველაზე მდიდარი კლუბების სიას ლიდერობს 3.184 მილიარდი ევროს შეფასებით.

მეორე ადგილს იკავებს „მანჩესტერი“ (2.9 მილიარდი ევრო). მესამეა „ბარსელონა“ (2.8 მლრდ ევრო). „ბაიერნი“ მე-4 ადგილზეა (2.749 მლრდ ევრო), ხოლო მე-5 – „ლივერპულია“ (2.556 მლრდ ევრო).

32 ყველაზე ფასეული კლუბიდან მხოლოდ 4 არ არის დიდი ხუთეულიდან. ესენი გახლავთ „აიაქსი“, „გალათასარაი“, „პორტო“ და „ბენფიკა“.

ამასთან, პრემიერლიგა ლიდერობს ჯამური შემოსავლით – 5.1 მილირადი ევრო. პსჟ-ს ბოლო შვიდ წელიწადში ღირებულების ყველაზე მაღალი საერთო ზრდის მაჩვენებელი აქვს – 153%, რაც 2 მილიარდ ევროზე მეტს უდრის.