ბაქოს ჩემპიონთა ლიგის ფინალი უნდა, მისი კონკურენტი მადრიდია

სამ წელიწადში აზერბაიჯანს შეუძლია ჩემპიონთა ლიგის ფინალის მასპინძლობა.

უეფამ მიიღო დაინტერესება 2027 წლის ჩემპიონთა ლიგის ფინალის მასპინძლობის შესახებ. საბოლოო განაცხადები 2025 წლის 19 მარტამდე უნდა წარადგინონ.

2027 წელს ტურნირის გადამწყვეტი მატჩი შეიძლება ჩატარდეს ბაქოს ოლიმპიურ სტადიონზე ან მადრიდის „მეტროპოლიტანოზე“.

ქალთა ჩემპიონთა ლიგის ფინალის მასპინძლობისთვის იბრძვიან „კამპ ნოუ“ (ბარსელონა), ეროვნული სტადიონი (ვარშავა), „სენტ იაკობ-პარკი“ (ბაზელი) და „მილენიუმი“ (კარდიფი).

ფინალური მატჩების ჩატარების ადგილები მაისში გაირკვევა.