ვიდეო: მამუკელაშვილმა სასტარტოში ითამაშა და 28 წუთში 10 ქულა და 5 მოხსნა მოაგროვა

აღმოსავლეთის ტურში მყოფ სან ანტონიოს შემადგენლობაში მორიგი, უხვწუთიანი მატჩი გამართა სანდრო მამუკელაშვილმა. ტეხასური გუნდი აშშ-ს დედაქალაქს ესტუმრა და ადგილობროვ ვიზარდსთან მატჩი 124:136 დათმო. ართველი მეფარე სასტარტო ხუთეულში იყო და მოედანზე 28 წუთი გაატარა, რა დროშიც 10 ქულა, 5 მოხსნა და 3 პასი მიითვალა.

მამუკელაშვილმა 6-დან 5 ორქულიანი ჩააგდო, 2 სამიანი კი აუცდა. საუკეთესო მოედანზე ტრავმის შემდეგ დაბრუნებული კელდონ ჯონსონი გახდა, რომელმაც 30 წუთი 30 ქულა, 10 მოხსნა და 4 პასი მიითვალა. კეიტა ბეიტ-დიოპმა 20 ქულა მიითვალა, მაკაქი ბრენჰემის ანგარიშზე 15 ქულა დაგროვდა.

19 მოგებით და 55 წაგებით სან ანტონიო აღმოსავლეთ კონფერენციაში ბოლოსწინა, მე-14 ადგილზეა და მხოლოდ ჰიუსტონ როკეტსს უსწრებს. შემდეგი მატჩი მამუკელაშვილის გუნდს ისევ სტუმრად, ამჯერად ბოსტონ სელტიქსთან ელის.