გუარდიოლა: მესი ყველა დროის საუკეთესოა!

პეპს სოციალური ქსელი არ უყვარს. ჰოდა, მისთვის აზრის კითხვის პირველი საშუალება წინასამატჩო პრესკონფერენციაზე გამოჩნდა. დღეს, 00:00-ზე, “სიტი” “ლივერპულს” უმასპინძლებს ლიგის თასის ეგიდით.

“ცხადია, ყველა ადამიანს აქვს აზრის დაფიქსირების საშუალება, მაგრამ მგონი, აქ სადავო არაფერია, მესი ყველა დროის საუკეთესოა. წარმოუდგენელია ახსნა ის, რასაც მესი 16-17 წლის მანძილზე გვიჩვენებს.

ფინალის წაგების შემთხვევაშიც ასე ვიფიქრებდი. მესმის ხალხის, რომლებიც დასკვნას ტიტულის ხარჯზე აკეთებენ, რაც გასაგებია, მაგრამ ფეხბურთს სხვა მხარეც აქვს. ზოგი მარადონას თვლის საუკეთესოდ, დისტეფანოს, პელეს ან კრუიფს, მაგრამ ეს, უფრო სენტიმენები მგონია”.