Tato Nikuradze
მოსკოვის ცსკა საშინელ ფორმაშია. რუსული კალათბურთის გრანდმა ზედიზედ მეხუთე შეხვედრა წააგო. “ვთბ ლიგის” მატჩში მოსკოვის ცსკა ყაზანის “უნიქსს” დაუპირისპირდა და 64:69 დამარცხდა.
საქართველოს ნაკრების კაპიტანი თორნიკე შენგელია მოსკოველთა სასტარტო ხუთეულში იყო და პარკეტზე 28:15 წუთი გაატარა. ამ დროის განმავლობაში თოკომ 11 ქულა, 7 მოხსნა და 1 პასი მიითვალა.
“ვთბ ლიგაში” მოსკოვის ცსკას 4 მოგება და ორი მარცხი აქვს და სატურნირო ცხრილში მეოთხე ადგილს იკავებს.
მოსკოველებს “ვთბ ლიგაში” მომდევნო მატჩი მხოლოდ 5 დეკემბერს ელით, როდესაც ყუბანის “ლოკომოტივს “ესტუმრებიან. მანამდე, რუსული კლუბი ევროლიგის თამაშებზე იქნება გადართული, სადაც სამმატჩიანი წარუმატებელი სერია აქვს. 11 ნოემბერს ცსკა შინ თელ ავივის “მაკაბის” დაუპირისპირდება
GIPHY App Key not set. Please check settings