გულშემატკივრების თვალწინ განსაკუთრებული მოტივაციით ვითამაშებთ

საქართველოს ნაკრები 2022 წლის მსოფლიო ჩემპიონატის საკვალიფიკაციო ეტაპის მატჩებისთვის უკვე სრული შემადგენლობით ემზადება. ვილი სანიოლის გუნდი „ზესტაფონის“ თბილისის ზღვის ბაზაზე ემზადება, ხვალ კი გუნდი ბათუმში გაემგზავრება.

5 ოქტომბერს, ნაკრებმა 22 ფეხბურთელის შემადგენლობით ივარჯიშა. მთავარი მწვრთნელის გადაწყვეტილებით, დავით ხოჭოლავას, გიორგი მიქაუტაძეს და გრიგოლ ჩაბრაძეს დასვენების საშუალება მიეცათ და საწვრთნელ პროცესში დღეიდან ჩაერთვებიან.

სანაკრებო მატჩების წინ საქართველოს ნაკრების – ოთარ კაკაბაძემ და ზურიკო დავითაშვილმა ისაუბრეს.

ოთარ კაკაბაძე:
„ორი დღეა, რაც შევიკრიბეთ. ორი ძალიან მნიშვნელოვანი თამაში გველის და აუცილებლად მოსაგებად ვიბრძოლებთ. განსაკუთრებული მომენტია, ბათუმში რომ ვთამაშობთ და მატჩს გულშემატკივარი დაესწრება. მაქსიმუმს გავაკეთებთ, რომ ქომაგები გავახაროთ“.

ზურიკო დავითაშვილი:
„ფეხბურთელებისთვის ყველაზე კომფორტული გულშემატკივრების წინაშე თამაშია. ქომაგებთან ერთად განსაკუთრებული მოტივაციით ვითამაშებთ”, – ზურიკო დავითაშვილი.

საქართველოს ნაკრები 9 ოქტომბერს ბათუმის „აჭარაბეთ არენაზე“ საბერძნეთს დაუპირისპირდება, 12 ოქტომბერს კი, პრეშტინაში კოსოვოს ნაკრებს დაუპირისპირდება.