საბურთალო რეალს: გასწავლით, როგორ მოუგოთ შერიფს

გუშინ, ჩემპიონთა ლიგის ჯგუფური ეტაპის მეორე ტურის მატჩები გაიმართა. ყველაზე დიდი სენსაცია მრავლისმნახველ “სანტიაგო ბერნაბეუზე” დაფიქსირდა. ჩემპიონთა ლიგის დებიუტანტმა ტირასპოლის “შერიფმა” მადრიდის “რეალი” ბოლო წუთზე ლუქსემბურგელი ტილის გოლით 2:1 დაამარცხა და ჯგუფში, რომელშიც “ინტერი” და “რეალია”, 6 ქულით ერთპიროვნულად ლიდერობს.

მადრიდის “რეალის” ოფიციალურ ფეისბუქ გვერდზე “სამეფო კლუბის” “შერიფთან მარცხს საფეხბურთო კლუბი “საბურთალო გამოეხმაურა და ასეთი კომენტარი დაწერა; “რეალი, ჩვენ შეგვიძლია გასწავლოთ, როგორ უნდა მოუგო “შერიფს”!

შეგახსენებთ, 2019 წელს ჩემპიონთა ლიგის პირველ საკვალიფიკაციო ეტაპზე “საბურთალომ” ტირასპოლის “შერიფი” გასვლით შეხვედრაში 3:0 დაამარცხა. საკუთარ მოედანზე 1:3 დამარცხდა, მაგრამ ორი მატჩის ჯამში მომდევნო ეტაპზე ქართული კლუბი გავიდა.

გეტყვით იმასაც, რომ ტირასპოლის “შერიფის” სპორტული დირექტორი ქართველი ვაჟა თარხნიშვილია.