ბასილაშვილი ფონინთან დამარცხდა და ცინცინატის მასტერს პირველივე ეტაპზე დაემშვიდობა

29 წლის ქართველი ჩოგბურთელი ნიკოლოზ ბასილაშვილი ცინცინატიში მიმდინარე მასტერსს (საპრიზო ფონდიც 5 404 435 დოლარი) პირველივე რაუნდში გამოეთიშა. 
საქართველოს პირველი ჩოგანი იტალიელ ფაბიო ფონინის კარიერაში პირველად დაუპირისპირდა და მეტწილად უნებლიე შეცდომების გამო, 6:7 (3:7), 3:6 წააგო.
მატჩი საათსა და 40 წუთს გაგრძელდა, ბასილაშვილს 4 ეისი და 3 ორმაგი შეცდომა ჰქონდა, 5-დან 3 ბრეიკ-პოინტი გამოიყენა, თავად კი მოწოდება 4-ჯერ დათმო.