აბა ვინ დარბის ჩქარა და ბევრს: სად თამაშობენ ინტენსიურად – რეიტინგი

სპორტული კვლევების საერთაშორისო ცენტრმა (CIES) მსოფლიოს სხვადასხვა ლიგებში თამაშის ინტენსივობის რეიტინგი შეადგინა.

რეიტინგის კრიტერიუმი გახდა სირბილის პროცენტის შეფარდება (19.8 კმ/სთ-ზე მეტი სიჩქარით) ფეხბურთელის მიერ დაფარულ საერთო მანძილთან. მონაცემები გასული სეზონის მიხედვით არის აღებული.

მსოფლიოს ყველაზე მაღალინტენსიური ჩემპიონატი ყოფილა ინგლისური პრემიერლიგა, რომლის მაჩვენებელია 7.82%. საინტერესოა, რომ ათეულში მხოლოდ ევროპული ჩემპიონატები მოხვდნენ. ათეულში ასევე ვერ მოხვდა ტოპ 5-ის ორი წარმომადგენელი – ბუნდესლიგა მე-15 პოზიციაზეა (მეორე ბუნდესლიგა მე-16), ხოლო ლიგა 1 საერთოდ 22-ე.

აი რეიტინგის ათეული:

ინგლისის პრემიერლიგა – 7,82 მაღალი ინტენსივობის აჩქარების (გარბენის) პროცენტი დაფარულ მანძილთან შეფარდებაში.

2. პოლონეთის ჩემპიონატი – 7,81
3. ლა ლიგა – 7,75
4. ჩეხეთის ჩემპიონატი – 7,61
5. შვეიცარიის ჩემპიონატი – 7,6
6. ბელგიის ჩემპიონატი – 7,54
7. ჩემპიონშიპი – 7,52
8. დანიის ჩემპიონატი – 7,51
9. სერია ა – 7,5
10. სეგუნდა – 7,47