ვეცდები მადლობა ჩემი თამაშით გადაგიხადოთ: გიორბელიძე დრეზდენის დინამოში ითამაშებს

უკვე ოფიციალურად: საქართველოს ნაკრების მარცხენა მცველი გურამ გიორბელიძე დრეზდენის “დინამოს” ფეხბურთელია. 25 წლის ფეხბურთელი, რომელიც ავსტრიული “ვოლფსბერგერის” საკუთრებაა და წინა სეზონიც ამ კლუბში გაატარა, გერმანულ გუნდში ერთწლიანი იჯარის წესით ითამაშებს. დრეზდენის “დინამო” ამჟამად გერმანიის მეორე ბუნდესლიგაში გამოდის.

Guram #Giorbelidze: „Ich freue mich über die Möglichkeit, mich in dieser sehr starken 2. Bundesliga bei einem so attraktiven Verein, wie Dynamo Dresden, präsentieren zu dürfen und möchte das Vertrauen mit Leistung auf dem Platz zurückzahlen.“ #sgd1953 pic.twitter.com/2l4oYCIZ3r

— SG Dynamo Dresden (@DynamoDresden) August 11, 2021

“მიხარია, რომ ისეთ ძლიერ ჩემპიონატში ვითამაშებ, როგორც გერმანიის მე-2 ბუნდესლიგაა. დრეზდენში გადმოსვლით ძალიან ბედნიერი ვარ და ვეცდები გამოჩენილი ნდობისთვის მათ მადლობა შესაბამისი თამაშით გადავუხადო”, – განაცხადა გიორბელიძემ.

დრეზდენის “დინამო” ორი ტურის შემდეგ, გერმანიის მეორე ბუნდესლიგაში მესამე ადგილზეა.