ტოჩინოშინი ტაკარაფუჯისთან დამარცხდა და ნაცუ ბაშოზე მეორე მარცხი იგემა

ტოჩინოშინის მეორე მარცხი მიმდინარე ბაშოზე. ნაცუ ბაშოს მესამე დღეს ქართველი ექსოძეკი დასავლეთის მეშვიდე მაეგაშირად განთესილ ტაკარაფუჯის დაუპირისპირდა და ოშიდაშის ილეთით დამარცხდა.

ქართველ გოლიათს ჩვეულად ძლიერი ტაჩიაი (საწყისი დაჯახება) არ გამოუვიდა და საბოლოოდ ცუბარებით (დისტანციაზე დარტყმებით) გაიყვანეს დოჰიოდან.

სამი დღის შემდეგ, ტოჩინოშინს მიმდინარე ბაშოზე ბალანსი 1:2-ზე გაუხდა.

ხვალ, ჩვენებურის მეტოქე მე-6 მაეგაშირა ჰიდანოუმი იქნება.