ტოჩინოშინმა მეორე მოგება ვერ გაიფორმა

იაპონიის ქალაქ ნაგოიაში ივლისის ბაშოს მეორე საშეჯიბრო დღე მიმდინარეობს. ქართველი სუმოისტი ლევან გორგაძე (ტოჩინოშინი) ჰოკუტოფუჯის დამარცხების შემდეგ, მე-7 მაეგაშირა ოკინოუმის დაუპირისპირდა, რომელთანაც 11 ბრძოლა ჰქონდა მოგებული.

ამჯერად გამარჯვება ოკინოუმის დარჩა, რომელმაც ტოჩინოშინს ორივე ხელით ქამარში ჩაჭიდების საშუალება არ მისცა. თავად კი თავიდანვე კარგად შეუტია და ქართველი სუმისტი დოჰიოდან გაიყვანა.

ტოჩინოშინს ნაგოია ბაშოზე 2-დან 1 ბრძოლა აქვს მოპოვებული. ხვალ, 12 ივლისს მისი მეტოქე მე-9 მაეგაშირა შიმანოუმი იქნება.