საქართველოს ნაკრების ცენტრალურმა თავდამსხმელმა გიორგი შერმადინმა ლიგა ენდესაში მორიგი შთამბეჭდავი შეხვედრა ჩაატარა და კიდევ ერთხელ დაიმსახურა მატჩის MVP-ის ტიტული.
ჩემპიონატის მორიგ შეხვედრაში შერმადინის “ტენერიფემ” “ესტუდიანტესი” 101:77 გაანადგურა. შერმინატორმა 17:24 წუთში 25 ქულა, 5 მოხსნა, 1 პასი და 1 ჩაჭრა მიითვალა. შერმადინმა 13-დან 9 ორქულიანი და 7-დან 7 საჯარიმო ჩააგდო. მისი მარგი ქმედების კოეფიციენტი კი +32 იყო და მატჩის საუკეთესო კალათბურთელიც გახდა.
“ტენერიფემ” ლიგა ენდესაში 23 მოგება და 5 მარცხი მოაგროვა და სატურნირო ცხრილში მე-3 ადგილს ინარჩუნებს, წინ კი, მხოლოდ ესპანური გრანდები “რეალი” და “ბარსელონა” არიან.
შერმადინის გუნდი მომდევნო მატჩს 13 აპრილს, მადრიდში, სწორედ “სამეფო კლუბის” წინააღმდეგ ჩაატარებს.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
GIPHY App Key not set. Please check settings