ირაკლი მიქაშვილი
“ნაპოლიმ” მოიგო და ცა ლურჯია…
მორიგი ზღაპრული შოუ სპალეტის ბიჭებისგან და “ნაპოლი” პირველი 1/8 ფინალისტი გახდა!
გუშინ, ნეაპოლელთა მეტოქე გაბრაზებული “აიაქსი” იყო, მაგრამ მატჩის შემდეგ კიდევ უფრო გაბრაზდებოდნენ…
4:2! ასე მოიგო “ნაპოლიმ” და ამ მატჩის საუკეთესო მოთამაშე ხვიჩა კვარაცხელია გახდა!
გოლს პლუს ასისტი – ეს ხომ კვარას დაწესებული თამასაა, რომელსაც სიამოვნებით ვადევნებთ თვალს.
გოლი თან პენალტიდან, მაგრამ აქ ცალკე კომპლიმენტების წყება ვიკტორ ოსიმენს. ფორვარდი, რომელიც ტრავმიდან დაბრუნდა და “ნაპოლის” მაისურით ჩემპიონთა ლიგაზე გატანილი არ ჰქონია ასე უბრალოდ ადგა და ბურთი კვარას გადაულოცა – მიდი, ეს შენი დროაო…
ოსიმენმა მაინც გაიტანა და საფეხბურთო კანონიკამ აქ ნიგერიელს მადლიერება გამოუხატა!
კვარა კი მატჩის საუკეთესოა…
GIPHY App Key not set. Please check settings