ჭაბუკთა ევროპის ჩემპიონატი ძალოსნობაში: ლევან ოჩიგავა ევროპის ჩემპიონია

ლევან ოჩიგავა ევროპის ჩემპიონია.

ქართველმა ძალოსანმა 3 ოქროს მედალი მოიპოვა, ასევე ევროპის 1 და საქართველოს 3 რეკორდი დაამყარა.

პოლონეთში მიმდინარე ჭაბუკ ძალოსანთა ევროპის ჩემპიონატზე ზურაბ ანთაურის გუნდი ბრწყინვალე გამოსვლას განაგრძობს.

ლევან ოჩიგავამ მთავარი მწვრთნელის ყველა მითითება შესანიშნავად შეასრულა, 117/146/263 კგ. დაძლია და სამი ოქროს მედლის მოპოვება შეძლო.

გარდა ამისა, ძალოსანმა აკვრაში ევროპის რეკორდი დაამყარა და საქართველოს რეკორდები ატაცში 2კგ.-ით, აკვრაში 4კგ-ით, ხოლო ორჭიდში 8კგ-ით გააუმჯობესა.