in ,

ყაზაიშვილი: ყველას ბოდიშს ვუხდი

დღეს, პირველ ოქტომბერს ტელეკომპანია ფორმულას ეთერში აუდიოჩანაწერი გავიდა, სადაც ვაკო ყაზაიშვილის ცოლის ძმა ნოდარ ნიშნიანიძის საუბარი ისმის. ნიშნიანიძე თვლის, რომ ყაზაიშვილი ჩრდ. მაკედონიასთან იმის გამო არ ათამაშეს, რომ მისი ოჯახის წევრია, თავად ნიშნიანიძე კი საქართველოს მთავარობასთან დაპირისპირებული პიროვნებაა.

ამ თემას ვაკო ყაზაიშვილი ოფიციალური ფეისბუქ გვერდის საშუალებით გამოეხმაურა. ქართველი ფეხბურთლის განცხადებას უცვლელად გთავაზობთ.

“პირველ რიგში ქართველი ფეხბურთის ქომაგებს, საქართველოს ყველა მოქალაქეს ბოდიშს ვუხდი ფაქტისთვის, რომელიც ჩემთვის ყველაზე მეტად მიუღებელია.
ფეხბურთის თამაში 7 წლის ასაკში დავიწყე. ყველამ, ვინც დღეს, ჩვენს დიდ საფეხბურთო ოჯახს წარმოადგენს იცის რამდენი შრომა ჩავდე ჩემი კარიერის შენებაში.
პირველად ნაკრებში 9 წლის წინ გამომიძახეს და ეს იყო ყველაზე მნიშვნელოვანი დღე ჩემს კარიერაში.


ეროვნული ნაკრების გარეშე ფეხბურთელის კარიერული ცხოვრება სრულფასოვანი არასოდესაა. ყველა ფეხბურთელისთვის, ყველაზე მნიშვნელოვანი და ფასეული სწორედ ნაკრებია და მეც არ ვარ გამონაკლისი.
ცხოვრებაში არავინ დამჭირვებია მინდორზე მოსახვედრად. ყველამ, ვისაც ფეხბურთი უყვარს იცის რომ ჩემს მიერ გატანილი გოლების და დაშვებული შეცდომების უკან მხოლოდ მე ვდგავარ. არავინ და არაფერი ჩემი შრომის და ფეხბურთის სიყვარულის გარდა.

ყველამ, ვინც წარმოადგენს ნაკრებს და ფედერაციას იცის, რომ ეს ჩანაწერი ყველაზე ბოლომ მოვისმინე. თქვენთვის ამ ჩანაწერში ნაკრების წევრებზე საუბრობენ და ჩემთვის მეგობრებზე. ამიტომ განსაკუთრებით მძიმე და მიუღებელია საუბრის შინაარსი ჩემთვის.


ნაკრებს აქვს ისტორიული შანსი და ამ შანსის გამოსაყენებლად ყველაფერს გავიღებ. ყველანაირ პირადულ წინააღმდეგობას გადავლახავ. ჩემთვის მთავარია არ დაზარალდეს ჩვენი დიდი საფეხბურთო ოჯახი და ამიტომ მზად ვარ მივიღო ფედერაციის ნებისმიერი გადაწყვეტილება.” – წერია ყაზაიშვილი ფეისბუქ გვერდზე.

What do you think?

Written by admin

Leave a Reply

Your email address will not be published. Required fields are marked *

GIPHY App Key not set. Please check settings

სფფ: მოთამაშეების უსაფრთხოებაზე ზრუნვა უმთავრესი პრიორიტეტია

მამუკელაშვილმა 15 ქულა ჩააგდო