Tato Nikuradze
ხვიჩა კვარაცხელიას ბათუმის “დინამოში” გადმოსვლამ საქართველოს საფეხბურთო ჩემპიონატის ინტერესი კიდევ უფრო გაზარდა. ნეაპოლელები ხვიჩას თამაშებს აკვირდებიან და მის ნახვას მალე თავიანთი საყვარელი გუნდის მაისურით ელიან.
ერთ-ერთი იტალიელი გულშემატკივარი ტვიტერზე ხვიჩა კვარაცხელიას “თელავთან” მატჩის მომენტს აზიარებს წარწერით: “ღმერთო ჩემო კვარაცხელია”.
“ნაპოლის” ფანებს ასევე ტვიტერზე გამოკითხვა ჰქონდათ, თუ რამდენი აპირებდა ხვიჩა კვარაცხელიას გამო ბათუმის “დინამოსა” და “თელავის” შეხვედრის ყურებას და 85% მატჩისთვის თვალის მიდევნებას გეგმავდა.
შეგახსენებთ, ხვიჩა კვარაცხელიასა და “ნაპოლს” შორის ზაფხულში 5-წლიანი კონტრაქტი გაფორმდება. ნეაპოლელებს ტრანსფერი 10 მილიონი ევრო დაუჯდებათ და თავად კვარაცხელია წლიურად მილიონ ევროს მიიღებს.
GIPHY App Key not set. Please check settings