ქოჩორაშვილმა ბარსასთან ითამაშა

გუშინ, ესპანეთის ლა ლიგის 36-ე ტურის შეხვედრაში კატალონიის “ბარსელონა” “ლევანტეს” ესტუმრა და მიუხედავად ორბურთიანი უპირატესობისა, მხოლოდ ფრეს დასჯერდა – 3:3.

მატჩი რონალდ კუმანის გუნდისთვის იდეალურად დაიწყო და პირველი ნახევარი ლიონელ მესისა და პედრის გოლებით მოიგეს. მეორე ნახევარში პაკო ლოპესის გუნდი, უბრალოდ ძალიან კარგი იყო და ტაიმის სტარტზევე შეძლეს ანგარიშის გათანაბრება. 64-ე წუთზე უსმან დემბელემ “ბარსელონა” კიდევ ერთხელ დააწინაურა, მაგრამ ლეონის გოლით მასპინძლებმა კიდევ ერთხელ მოახერხეს წონასწორობის აღდგენა და მატჩის საბოლოო ანგარიშიც დააფიქსირეს. ამ ფრით, შეიძლება ითქვას, რომ “ბარსელონას” საჩემპიონო შანსები ძალიან შემცირდა.

აღნიშნული მატჩი ჩვენთვის განსაკუთრებით საინტერესო იყო, რადგან მატჩის 90-ე წუთზე ხოსე მორალესის ნაცვლად გიორგი ქოჩორაშვილი გამოჩნდა მოედანზე და 21 ქართველმა ფეხბურთელმა “ბარსას” ვარსკვლავების წინააღმდეგ ითამაშა.