ფოტო: კრიშტიანოს წვივსაფარი არაბეთში – დააკვირდით დეტალებს

საუდის არაბეთის „ალ ნასრი“ წვივსაფარს აჩვენებს, რომლითაც მოედანზე გუნდის კაპიტანი კრიშტიანო რონალდო გადის.

ადვილი შესამჩნევია, რომ ისინი კრიშტიანოს საოჯახო ფოტოებითაა დამშვენებული. განსაკუთრებით ბევრი ადგილი უკავია ბავშვების კადრებს.

ბევრი რონალდოს ეგოისტურ ადამიანად მიიჩნევს, მაგრამ წვივსაფარზე მთავარ როლს თავად არ თამაშობს, არამედ მისი ვაჟი.
საინტერესო დეტალია, რომ თავად გამოსახულია პორტუგალიის ნაკრების ფორმაში და არა „ალ ნასრის“ ან რომელიმე ყოფილი კლუბის.

შრიფტი, რომლითაც წერია სიტყვა კრიშტიანო – ისეთია, რომლითაც ის „იუვენტუსმა“ წარადგინა.

ლეგენდარულ პორტუგალიელს 5 შვილი ჰყავს – უფროსი ვაჟი კრიშტიანო-უმცროსი (უცნობი ქალისგან), ტყუპი ევა და მატეო (სუროგატი დედისგან), გოგონები ალანა მარტინა და ბელა ემერალდა ამჟამინდელი ჯორჯინასგან.