“ტორპედო” კაპიტანმა დატოვა

“ტორპედო” კაპიტანმა ვაჟა ტაბატაძემ დატოვა – ამის შესახებ ინფორმაციას ქუთაისური კლუბი თავისი “ფეისბუქის” გვერდით ავრცელებს:

“ვაჟა ტაბატაძე “ტორპედოს” ღირსებას აღარ დაიცავს. გუნდის კაპიტანს “ტორპედოსთან” ერთად მრავალი დაუვიწყარი წელი აქვს გატარებული. ვაჟა ტაბატაძე გუნდთან ერთად 2016/17 წელს ქვეყნის ჩემპიონი, ხოლო 2015/2016 და 2022 წლებში საქართველოს თასის მფლობელი გახდა.

კლუბი მადლობას უხდის ვაჟას თითოეულ შეხვედრაში ნაჩვენები თავდადებული გარჯის, ბრძოლისუნარიანობისა და პროფესიონალიზმისათვის! წარმატებებს გისურვებთ კაპიტანო!”