საზონოვი მალევე შეუშვეს, საბამ პენალტი აიკიდა და ჩვეულებრივ ითამაშა: ტორინომ რომში დიბალასთან წააგო

საბა საზონოვმა თითქმის ერთთვიანი პაუზის შემდეგ ითამაშა: მისი „ტორინო“ კი სტუმრად „რომასთან“ დამარცხდა – 2:3.

ქართველმა მცველმა 26-ე ტურის შეხვედრა ისევ სათადარიგოთა სკამზე დაიწყო, მაგრამ ლოვატო მალევე დაშავდა და საზონოვი თამაშში უკვე მე-14 წუთიდან ჩაერთო.

42-ე წუთზე საბამ 11-მეტრიანი „აიკიდა“, სერდარ აზმუნი საკუთარ საჯარიმოში წააქცია.

მატჩის დარჩენილ ნაწილში საზონოვმა ითამაშა ისე, როგორც მთლიანად „ტორინოს“ დაცვამ – საშუალოდ, დიდად არც არაფერი გაუფუჭებიათ და არც სასწაულები ჩაუდენიათ.

საზონოვის შეფასებებია: Flashscore.com – 5.7; Whoscored.com – 6.1; Sofascore.com – 6.0.