რონალდოს ბენტლიში საწვავი ვერ ჩაასხეს: მძღოლი 7საათი ელოდებოდა ბენზინს

„მანჩესტერის“ ფორვარდ კრიშტიანო რონალდოს მძღოლმა ბენზინგასამართ სადგურზე 7 საათი გაატარა, თუმცა მაინც ვერ შეძლო ფეხბურთელის Bentley Flying Spur-ის საწვავით შევსება. ეს მანქანა პორტუგალიელმა ამასწინ იყიდა და მასში 164 ათასი ფუნტი (დაახლოებით 190 ათასი ევრო) გადაიხადა.

მძღოლი აგს-ზე დღის 2 საათზე მივიდა, მაგრამ აღმოჩნდა, რომ ადგილზე ბენზინი არ იყო.

მას კომპანიონობა გაუწია კრიშტიანოს დაცვის ერეთ-ერთმა წევრმა, რომელიც ადგილზე Range Rover-ით მივიდა. ისინი საღამოს 9 საათამდე შეყოვდნენ, მაგრამ მაინც ხელ(საწვავ)ცარიელები წავიდნენ.

დიდ ბრიტანეთში ამჟამად საწვავის მიწოდების პრობლემა შეინიშნება. ეს სატვირთოების მძღოლების სიმწირით აიხსნება. ამბობენ, რომ ხელისუფლება სამხედრო სატვირთოების მძღოლების მობილიზებას გეგმავს სიტუაციის გამოსწორებისთვის.