მივცეთ ხმა თოკოს: შენგელია ევროლიგის სიმბოლურში შეიძლება მოხვდეს

ევროლიგაში საუკეთესოების გამოვლენა დაიწყო. ხმის მიცემის უფლება გულშემატკივრებსაც აქვთ. ქომაგები სიმბოლური ხუთეულის კანდიდატებს შეარჩევენ. მათ შორის არის ჩვენი თორნიკე შენგელიაც.

გულშემატკივრების ხმებს საერთო შედეგებში 25%-იანი წილი აქვს. საუკეთესოები 9 მაისამდე უნდა დასახელდნენ. შემდეგ ემატება მწვრთნელების, გუნდების კაპიტნებისა და ჟურნალისტების გამოკითხვის შედეგები.

ყველაზე მეტი ხმის მქონე კალათბურთელი სეზონის MVP-ის ტიტულს მიიღებს. ასევე შედგება პირველი და მეორე სიმბოლური ხუთეულები.

გულშემატკივრებს ხმის მიცემა ამ ბმულზე შეუძლიათ: https://alleuroleagueteam.euroleague.net/