მესია: ლეომ პენტა-თრიქი დადო

ფინალისიმაში დიდებული ტრიუმფის შემდეგ არგენტინამ ამხანაგური მატჩი ჩაატარა სუსტ ესტონეთთან და 5:0 მოუგო. ამ ამბავს ერთი მიზეზით მივაქციეთ ყურადღება – ლეო მესი. ხუთივე გოლი გენიამ გაიტანა.

„ლეო არა მარტო არგენტინის, მთელი მსოფლიოს საგანძურია“ – თქვა მატჩის მერე გაბადრულმა ლიონელ სკალონიმ, არგენტინელთა მწვრთნელმა.

მესიმ 3+ გოლი 56-ედ გაიტანა (რონალდოს 60 აქვს).
3 გოლი – 48 მატჩში
4 გოლი – 6 მატჩში
5 გოლი – 2 მატჩში

მესიმ არგენტიონის ნაკრებში 86 გოლი გაიტანა და ნაკრების ბომბარდირთა შორის უკვე მე-4 ადგილზე გავიდა. ლეომ ფერენც პუშკაშს გაუსწრო. კრიშტიანოს რეკორდამდე 31 გოლია.

2022 წელს ლეომ 11 გოლი და 12 ასისტი გაიფორმა 22 მატჩში. ნაკრებში საერთოდ დაფრინავს: ბოლო 4 მატჩში 6+2.

დღემდე 4+ გოლი მესის ოფიციალურ მატჩებში გაჰქონდა. პოკერი: 5 ლა ლიგაში და 1 ჩემპიონთა ლიგაზე („არსენალთან 2010 წელს).

პირველი პენტა-თრიქიც ჩემპიონთა ლიგაზე მოდის. 2012 წელს ლევერკუზენის „ბაიერს“ გაუტანა (7:1). ტურნირის ისტორიაში პირველი პენტა-თრიქია.