მერაბ შარიქაძის დებიუტი MMA-ში ბრწყინვალეა: მოგება ნოკაუტით

თბილისის სპორტის სასახლემ RKENA-ს პირველ ღონისძიებას უმასპინძლა, სადაც მონაწილეობა საქართველოს მორაგბეთა ნაკრების ყოფილმა კაპიტანმა, მერაბ შარიქაძემაც მიიღო. ქართული რაგბის ლეგენდა, სამოყვარულო MMA-ის სადებიუტო ბრძოლაში პოლონელ პატრიკ კონტნის დაუპირისპირდა და მეტოქე ტექნიკური ნოკაუტით დაამარცხა.

ბრძოლა მერაბის აქტიური დარტყმებით დაიწყო, უნდა აღინიშნოს, რომ ორივე მებრძოლი საწყის რაუნდში მალევე დაიღალა, მაგრამ შარიქაძემ შეტევაში აქტიურობა განაგრძო. კონტნი თავიდანვე ძალიან მძიმე სიტუაციაში იყო და მეორე რაუნდში მერაბ შარიქაძემ მეტოქე ტექნიკური ნოკაუტით დაამარცხა და კარიერაში პირველი გამარჯვება მოიპოვა.

“მადლობა ჩემს ყველაზე დიდ გულშემატკივარს, რომელიც სამწუხაროდ დღევანდელ დღეს ვერ მოესწრო, დედაჩემს გაუმარჯოს! ეს გამარჯვება მას ეძღვნება”, – განაცხადა შარიქაძემ ბრძოლის შემდეგ.

sportall.ge