მბაპეს დაუჯერებელ ხელფასს აძლევდნენ: მაინც უარი განაცხადა

პსჟ მზად იყო მბაპესთვის მსოფლიო ფეხბურთში ყველაზე დიდი ხელფასი შეეთავაზებინა.

Sky Sports წერს, რომ კლუბი ორჯერ უზრდიდა ანაზღაურებას, რის მიხედვითაც ფეხბურთელი დაახლოებით 4 მილიონ ფუნტს (დაახლოებით 4.7 მლნ ევრო) მიიღებდა ყოველ თვე.

გარდა ამისა, პარიზელები მბაპეს ხელმოწერის ბონუსს აძლევდნენ – დაახლოებით 100 მლნ ფუნტს (118 მლნ ევროზე მეტი). ხელშეკრულებაში შევიდოდა გატანილი გოლების, „ოქროს ბურთის“ აღების და ჩემპიონთა ლიგის მოგების ბონუსებიც. მბაპე ასევე მიიღებდა საიმიჯო უფლებების სრულ კონტროლს.

პსჟ-მ იცის, რომ კილიანი „რეალში“ ბევრად ნაკლებს მიიღებს, თუმცა ფინანსურმა ასპექტა გადაწყვეტილებაზე ვერ იმოქმედა.

პსჟ-მ შეწყვიტა 23 წლის თავდამსხმელისთვის ბრძოლა.

მბაპეს კონტრაქტი ძალაში ივნისის ბოლომდეა.

ფრანგი ვარსკვლავის „რეალში“ გადასვლაზე სავარუდოდ ჩემპიონთა ლიგის ფინალის შემდეგ იტყვიან.