ლოჩოშვილს ერთი თვე გაუცდება: ის ნაკრებსაც ვერ დაეხმარება

საქართველოს ნაკრები თვის ბოლოს ორ ამხანაგურ შეხვედრას გამართავს. ვილი სანიოლის გუნდი ალბანეთსა და ბოსნია-ჰერცოგოვინას გაეჯიბრება.

აღნიშნულ შეხვედრაში მონაწილეობას ვერ მიიღებს ავსტრიული “ვოლფსბერგერის” ქართველი მცველი ლუკა ლოჩოშვილი, რომელმაც წინა ტურში “აუსტრიასთან” შეხვედრის მე-2 წუთზე საჰაერო ორთაბრძოლისას ტრავმა მიიღო და შესაცვლელი გახდა.

ავსტრიული გუნდის მთავარი მწვრთნელის კომენტარის მიხედვით, ლოჩოშვილს ტვინის შერყევა არ ჰქონია, მაგრამ ცხვირი აქვს გატეხილი და მოედანზე გასვლას ერთი თვე ვერ მოახერხებს. ეს ნიშნავს იმას, რომ ლოჩოშვილი მარტის სანაკრებო შეხვედრებში საქართველოს ნაკრების დახმარებას ვერ შეძლებს.

ახლა თავად დაშავდა: ლოჩოშვილს ტვინის შერყევა აქვს, ბუდუ ლიგაში საუკეთესოა, მიქაუტაძეს იმედი მიეცა – ლეგიონერების ამბები

საქართველოს ნაკრები ბოსნია-ჰერცოგოვინას 24 მარტს, ალბანელთს კი 27 მარტს დაუპირისპირდება. ორივე გასვლითი მატჩია.