ლოჩოშვილმა კარგად ითამაშა, გოგლიჩიძემ იუვენტუსს სკამიდან უყურა

„კრემონეზემ“ სერია B-ს 22-ე ტურში „ბრეშას“ უმასპინძლა და ძალიან მნიშვნელოვანი თამაში მოიგო – 1:0.

ლუკა ლოჩოშვილი ძირითად შემადგენლობაში იყო, შეუცვლელადა ითამაშა და საკმაოდ კარგი შეფასებაც დაიმსახურა – sofascore – 6.9, flashscore – 6.8.

კრემონეზე – ბრეშია 1:0
გოლი: აბრეგო (30)

კიდევ ორ ქართველ მცველს კი არ უთამაშიათ. ივა გელაშვილი „სპეციას“ განაცხადში ვერ მოხვდა, თუმცა ეს წინასწარ იყო ცნობილი.

სამაგიეროდ, „ემპოლის“ განაცხადში მოხვდა ახალწვეული საბა გოგლიჩიძე, რომლის გუნდი თვით „იუვენტუსს“ ესტუმრა და ქულაც კი აიღო – 1:1.
22 ტურის შემდეგ „ემპოლი“ მე-18 ადგილზეა.