კიტეიშვილი დაბრუნდა! ქართველების მწირი დღე ევროპა ლიგაზე

დღეს ევროპა ლიგაზე ქართველი ლეგიონერების გუნდებმა მიიღეს მონაწილეობა.

„შტურმი“ როტერდამში 0:6 განადგურდა „ფეიენოორდთან“. ტრავმით გამოწვეული ხანგრძლივი პაუზის შემდეგ გრაცულ გუნდში ოთარ კიტეიშვილმა ითამაშა. ის 72-ე წუთზე შევიდა შეცვლაზე, როდესაც ანგარიში 0:5 იყო.
„ყარაბაღმა“ ბაქოში 3:0 სძლია „ნანტს“. მასპინძელთა გუნდის მეკარე ლუკა გუგეშაშვილი კვლავ სათადარიგოთა შორის დარჩა.

„ცრვენა ზვეზდა“ გასვლაზე 1:2 დამარცხდა „ტრაბზონსპორთან“. ბელგრადელთა მცველი ირაკლი აზაროვი სათადარიგო იყო.

„ფერენცვაროშმა“ სტუმრად 1:0 მოუგო „მონაკოს“. ბუდაპეშტელთა განაცხადში არ იყო გიორგი ხარაიშვილი.