კვარა წავიდა! ოფიციალურად, იტალიური ვოიაჟი დაიწყო

გუშინ ღამით, ხვიჩა კვარაცხელია ნეაპოლისკენ დაიძრა. „ნაპოლიმ“ მისი ტრანსფერი ოფიციალურად დაადასტურა, ახლა კი საწვრთნელ პროცესში ჩაერთვება.

ბოლო წლებში, საქართველოს არაერთი დასამახსოვრებელი ტალანტი ახსოვს, მაგრამ რაელური შედეგის, ანუ ტოპ 5 ჩემპიონატში თამაშის საშუალება არავის მისცემია. გიორგი მამარდაშვილის შემდეგ ხვიჩა უკვე მეორე ფეხბურთელია, რომელიც ევროპის უძლიერეს ჩემპიონატში ითამაშებს…

გამოცემა “matchay”-მ ხვიჩასთან ინტერვიუ აეროპორტში ჩაწერა:

“დიდი ემოციებით მივდივარ, რა თქმა უნდა, სასიხარულოა ასეთ გუნდში გადასვლა, ვიცი, რომ ძალიან მელოდებიან. მინდა დავამტკიცო, რაც შემიძლია. კალაძემ მითხრა, რომ კარგი ჩემპიონატია და მელიან”, – თქვა კვარაცხელიამ გამგზავრებისას.