კვარაცხელია და სტერლინგი შესარჩევის საუკეთესო დრიბლიორები არიან

ევროპაში 2022 წლის მსოფლიო ჩემპიონატის შესარჩევი ეტაპი დასრულდა და ცნობილია იმ 10 საფეხბურთო ნაკრების ვინაობა, რომლებიც მომავალ წელს ყატარში ითამაშებენ. დანარჩენი სამი ნაკრების ვინაობა კი, პლეი-ოფში გაირკვევა.

შესარჩევი ციკლის დასრულების შემდეგ სხვადასხვა სტატისტიკები გამოქვეყნდა. Whoscored.com-ის მონაცემებით, შესარჩევი ციკლის საუკეთესო დრიბლიორები ხვიჩა კვარაცხელია და რაჰიმ სტერლინგი გახდნენ. ისინი საშუალოდ ყველა მატჩში 4 წარმატებულ დრიბლინგს ახორციელებდენ.

ჯგუფების მიხედვით საუკეთესო დრიბლიორთა სია ასე გამოიყურება:

A- ბერნარდო სილვა (პორტუგალია) – 2.7
B – ხვიჩა კვარაცხელია (საქართველო) – 4.0
C – ფედერიკო კიეზა (იტალია) – 2.1
D – რუსლან მალინოვსკი (უკრაინა) – 2.6
E – კევინ დე ბრუინი (ბელგია) – 3.0
F – მანორ სოლომონი (ისრაელი) – 3.5
G – ჯენგიზ უნდერი (თურქეთი) – 3.3
H – მატეო კოვაჩიჩი (ხორვატია) – 3.4
I – რაჰიმ სტერლინგი (ინგლისი) – 4.0
J – დარკო ჩურლინოვი (ჩრდ. მაკედონია) – 3.3