კარლოს ალკარასმა 5 საათიან თრილერში გაიმარჯვა!

ამერიკის ღია პირველობის მეოთხედფინალში კარლოს ალკარასი (4) იანის სინერს (13) დაუპირისპირდა და 5:15 საათიან მარათონში 6:3 6:7 6:7 7:5 6:3 დაამარცხა.

ესპანელმა ვუნდერკინდმა მეოთხე სეტის მე-10 გეიმში მატჩ-ბოლის მოგერიება მოახერხა, მოგვიანებით ბრეიკიც შეასრულა და ანგარიში გაათანაბრა.
დისაიდერში კი უკვე მე-8 გეიმში მოგებული მეტოქის მოწოდების მატჩში გარდამტეხი უპირატესობა მოიპოვა და მძიმე ბრძოლაში იტალიელი ვარსკვლავი დაამარცხა.

კარლოსი ამერიკის ღია პირველობის ნახევარფინალში გავიდა, სადაც ფრანსის ტიაფოს (26) შეხვდება, შეხვედრა ხვალ, 9 სექტემბერსაა ჩანიშნული.