თიხის სეზონი იწყება: ბასილაშვილი მონტე კარლოს მასტერსზე გამოვა

საქართველოს პირველი და მსოფლიოს მეოცე ჩოგანი ნიკოლოზ ბასილაშვილი 10-17 აპრილს მონტე კარლოს მასტერსზე მიიღებს მონაწილეობას. ნიკოლოზი მომავალ ტურნირზე მე-16 ნომრად იქნება განთესილი.

ნიკოლოზ ბასილაშვილს ძალიან ცუდი სერია აქვს. ქართველმა ჩოგბურთელმა თებერვალში დოჰას ტურნირის ფინალში ითამაშა, მაგრამ მას შემდეგ ზედიზედ სამი მარცხი აქვს. დოჰას შემდეგ, ნიკამ სამ ტურნირზე იასპარეზა და ყველგან პირველივე შეხვედრა წააგო.

მონტე კარლოში ნიკამ შარშანაც იასპარეზა, მაგრამ პირველივე შეხვედრაში ფილიპ კრაინოვიჩთან ტრავმა მიიღო და შეხვედეა ვერ ჩაამთავრა.

დიდი ალბათობით, მონტე კარლოს მასტერსზე მსოფლიოს პირველი ჩოგანი ნოვაკ ჯოკოვიჩიც იასპარეზებს.