ზედიზედ მესამედ: მიქაუტაძე და დავითაშვილი ისევ სიმბოლურში არიან

ეს უკვე სახუმარო საქმე არ არის: ორი ქართველი ფეხბურთელი ზედიზედ სამჯერ მოხვდა ტურის სიმბოლურ ნაკრებში. საუბარია ლიგა 2-ზე, რომელსაც ალბათ თავადაც არ ახსოვს მსგავსი რამ.

სიმბოლურ ნაკრებს ტურნირის ოფიციალური გვერდი ადგენს.

შეგახსენებთ, 34-ე ტურში „მეცის“ თავდამსხმელმა გიორგი მიქაუტაძემ „ნიორთან“ გასვლით მატჩში დუბლი შეასრულა, ხოლო ზურიკო დავითაშვილის ერთადერთი გოლით „ბორდომ“ შინ „კაენი“ 1:0 დაამარცხა.

მიქაუტაძე მარცხენა ფლანგზეა, დავითაშვილი კი – მარჯვნივ.

ორივე ჩვენიანი 32-ე და 33-ე ტურის სიმბოლურ გუნდშიც მოხვდა.

აქვე გაგახსენებთ, რომ მიქაუტაძე აპრილის თვის საუკეთესო ფეხბურთელობისთვისაც იბრძვის.

მიქაუტაძე შესაძლოა აპრილის საუკეთესო ფეხბურთელიც გახდეს: მიეცი ხმა