ვინ არის სახლში ყველაზე კარგი: ევროპის ტოპ კლუბებში ყველაზე მაგარი ტოპ კლუბი არ არის

ესპანური „რაიო ვალეკანო“ – ევროპის ტოპ 5 ლიგის საუკეთესო გუნდია, თუ მხოლოდ საშინაო სტადიონზე ჩატარებული მატჩების შედეგებს გავითვალისწინებთ.

9 თამაშის შემდეგ „რაიომ“ 25 ქულა აიღო და მსგავს ცხრილში ლიდერია. ამდენივე ქულა აქვს პსჟ-ს, მაგრამ პარიზელებს უარესი ბურთების სხვაობა დაუგროვდათ. „რაიო ვალეკანო“ ერთადერთი კლუბია ტოპ 10-ში, რომელიც გასულ სეზონში უმაღლეს დივიზიონში არ გამოდიოდა.

მოკრძალებული მადრიდული კლუბი წელს მშვენივრად გამოდის და დღეისათვის, 18 ტურის შემდეგ, ლა ლიგაში მე-4 ადგილზეა.