ვიდეო: ინდიანას საბონისმა მოაგებინა - გოგამ მხოლოდ 2 წუთი ითამაშა

“ინდიანას” ცუდი სერია შეწყდა. ზედიზედ სამ მატჩში დამარცხების შემდეგ, დღეს გამთენიისას “პეისერსი” “დეტროიტ პისტონსს” დაუპირისპირდა და 111:95 დაამარცხა.

ინდიანელთა გამარჯვების მთავარი შემოქმედი ლიეტუველი დომანტას საბონისი გახლდათ, რომელსაც სამმაგ დუბლამდე ძალიან ცოტა დააკლდა. შეხვედრაში საბონისის ანგარიშზე 26 ქულა, 8 მოხსნა და 8 პასი იყო. ასევე, კარგი მატჩი ჰქონდა მაილს ტერნერს, რომელმაც 14 ქულა მიითვალა.

რაც შეეხება გოგა ბითაძეს, საქართველოს ნაკრების ცენტრმა პარკეტზე სულ რაღაც ორი წუთი გაატარა და მხოლოდ 1 პასი მიითვალა.

შეგახსენებთ, მიმდინარე სეზონში “ინდიანას” 13-13 მოგება-წაგება აქვს და NBA–ს რეგულარ სეზონში აღმოსავლეთ კონფერენციის სატურნირო ცხრილში მეხუთე ადგილს იკავებს.