ელისანდრუს ბრწყინვალე გოლი:საქართველო სერბეთს დაუზავდა

საქართველოს ფუტსალის ნაკრებმა 2022 წლის ევროპის ჩემპიონატისთვის მოსამზადებელ ფარგლებში ამხანაგური შეხვედრა გამართა. ავთანდილ ასათიანის გუნდი თბილისის ოლიმპიურ სასახლეში სერბეთის ნაკრებს დაუპირისპირდა და ფრეს დასჯერდა-1:1.

საქართველოს ნაკრები მატჩის სტარტზევე დაწინაურდა. “ჯვაროსნების” ბრაზილიელმა ლეგიონერმა ელისანდრუმ ბრწყინვალე დარტყმით აიღო მეტოქის კარი. მეორე ნახევარი სერბთა დომინირებით წარიმართა და მათ ანგარიშის გათანაბრებაც მოახერხეს. საბოლოოდ, ფრე 1:1.

მომდევნო შეხვედრას ჩვენი გუნდი 18 დეკემბერს, ასევე სერბეთის წინააღმდეგ გამართავს.

ისიც უნდა აღვნიშნოთ, რომ მატჩის დაწყებამდე საქართველოს ნაკრების ფეხბურთელებმა ტრაგიკულად დაღუპული მეკარის დავით ჯინჭარაძის ხსოვნას პატივი მიაგეს.