ევროპის წინ საქართველომ ტაჯიკეთი გაანადგურა

საქართველოს ფუტსალის ნაკრები ევროპის ჩემპიონატზე კარგი განწყობით მიემგზავრება. ბოლო ამხანაგურ შეხვედრაში ავთანდილ ასათიანის გუნდმა თბილისის სპორტის სასახლეში ტაჯიკეთი 10:1 გაანადგურა.

“ჯვაროსნების” რიგებში საუკეთესო ნატურალაზირებული ბრაზილიელი ფეხბურთელი ელისანდრო იყო, რომელმაც ოთხჯერ აიღო მეტოქე გუნდის კარი. მის გარდა საქართველოს ნაკრებში გოლებით თავი: თალესმა, ნიკოლოზ კურტანიძემ(2), ვილიან ლორენსუმ, გიორგი ღავთაძემ და ირაკლი თოდუამ გამოიჩინეს.

ტაჯიკეთთან პირველი მატჩი საქართველომ 6:2 მოიგო.

აღნიშნულ შეხვედრაში ავთანდილ ასათიანის გუნდს მიკროტრავმის გამო ერთ-ერთი ლიდერი რონინიო ვერ ეხმარებოდა, თუმცა როგორც სამწვრთნელო შტაბში ამბობენ სერიოზული არაფერია და ის ევროპის ჩემპიონატზე ითამაშებს.

საქართველოს ნაკრები ევროპის ჩემპიონატზე D ჯგუფში იასპარეზებს, სადაც მეტოქეები ესპანეთი, აზერბაიჯანი და ბოსნია-ჰერცოგოვინა იქნებიან.