დღეს ზლატანის დაბადების დღეა, რომელიც გუშინწინ იყო

„მილანის“ ფორვარდი ზლატანი იბრაჰიმოვიჩი დღეს, კვირას 40 წლის ხდება, თუმცა შვედმა იუბილე პარასკევს გადაიხადა.

1 ოქტომბერს ზლატანმა დღეობა „მილანის“ ბაზაზე აღნიშნა, რათა კლუბის რაც შეიძლება მეტი წევრი მისულიყო.

იბრაჰიმოვიჩმა იუბილეზე ტექნიკური პერსონალი, ექიმები, მუშები დაპატიჟა. ბევრ მათგანს შაბათს დასვენების დღე აქვს. ბუნებრივია იყვნენ ფეხბურთელებიც.

კვირას გუნდი ვერ იქნებოდა იმ უბრალო მიზეზით, რომ „მილანს“ თამაში აქვს „ატალანტასთან“.

ზლატანმა ამ სეზონში ერთი მატჩი ითამაშა, მან „ლაციოსთან“ გაიტანა. ახლა ის აღდგენით პროცესშია.