დოლარუმათი ნაშოვნი ფულით მილანის ფანები სკოლებს დაეხმარებიან

„დოლარუმასთან“ დაკავშირებულმა ისტორიამ მოულოდნელი გაგრძელება ჰპოვა.

„მილანის“ ფანებმა დამცინავი ტრუკი სიკეთის აქტად აქციეს. ჩემპიონთა ლიგაზე „მილანისა“ და პსჟ-ს შეხვედრისას გულშემატკივრებმა თავის ყოფილ მეკარეს ჯანლუიჯი დონარუმას მისივე გამოსახულებიანი ყალბი დოლარები ესროლეს.

ფული, რომელსაც ყალბი დოლარების (2 ევრო ერთი შეკვრა) გაყიდვიდან იშოვნიან, არ დაიკარგება. Curva Sud-ის ქომაგები შემოსულ თანხას მილანში მდებარე საფეხბურთო სკოლებს გადასცემენ, რაც დაეხმარება პატარებისთვის ფეხსაცმლის, ბურთების და მაისურების შეძენაში.