Tato Nikuradze
იაპონიის სუმოს ასოციაციამ დღეს გამთენიისას სუმოტორთა განახლებული ბანძუკე (რეიტინგი) გამოაქვეყნა. მოულოდნელად სასიხარულო ინფორმაცია გვაქვს ტოჩინოშინზე. ქართველმა ექსოძეკმა, რომელიც იანვრის ჰაცუ ბაშოზე მეოთხე მაეგაშირად იყო განთესილი და დიდი მაკეკოში (უარყოფითი ბალანსი) 4:11 დააფიქსირა, რეიტინგში დიდ ვარდნას გადაურჩა. მხოლოდ სამი საფეხურით დაქვეითდა და მარტის ჰარუ ბაშოზე მეშვიდე მაეგაშირა იქნება.
მარტის ჰარუ ბაშო, როგორც წესი ოსაკაში ტარდება, მაგრამ კორანავირუსისგან გამომდინარე რეგულაციების გამო, წლევანდელ ბაშოს ტოკიოს რიოგოკუ კოკუგიკანის სასახლე უმასპინძლებს.
რაც შეეხება სხვა ცვლილებებს. ერთით გაიზარდა მაღალი წოდების მქონდე სუმოისტების (სანიაკუს) რაოდენობა. წინა ბაშოს ტრიუმფატორი დაიეიშო მესამე კომუსუბად იქნება წარდგენილი.
ბანძუკეს უმაღლეს პოზიციაზე არიან მონღოლი იოკოძუნები ჰაკუჰო და კაკურიუ.
ჰარუ ბაშო სტარტს 14 მარტს აიღებს და ორი კვირის განმავლობაში გაგრძელდება.
GIPHY App Key not set. Please check settings