დევიდ ბექჰემს სერიალ „მეგობრებში“ გადაიღებენ

ინგლისის ნაკრების ყოფილი ფეხბურთელი და მაიამის „ინტერის“ თანამფლობელი დევიდ ბექჰემი სერიალ „მეგობრების“ (friends) სპეციალური გამოშვების გადაღებაზე მიწვეული ვარსკვლავი გახდება.

ბექჰემის გარდა მონაწილეობას მიიღებენ მომღერალი ჯასტინ ბიბერი, ლედი გაგა, პოპ-ჯგუფი BTS, მსახიობები კიტ ჰარინგტონი, სინდი კროუფორდი და სხვები. სპეციალური გამოშვება 27 მაისს გამოვა.

„მეგობრები“ – ამერიკული კომედიური სერიალია, რომელიც 6 მეგობრის ცხოვრებაზეა. სერიალი, რომელიც 1994-დან 2004 წლამდე გადიოდა, ამერიკული ტელევიზიის ისტორიაში ერთ-ერთ საუკეთესოდ აღიარეს. „მეგობრებმა“ 6 „ემი“ და პრემია „ოქროს გლობუსი“ მიიღო.

„მეგობრების“ მიხედვით ასევე ძალიან პოპულარული სერიალი საქართველოშიც გადაიღეს. „შუა ქალაქში“ 16 სეზონი გადიოდა ტელეიმედზე.