გიორგი ბერიძე უნგრეთის ჩემპიონატის ოცნების გუნდში

პოპულარულმა უნგრულმა გამოცემა “ნემზეტი სპორტმა” უნგრეთის ჩემპიონატის უმაღლესი დივიზიონის ლეგიონერებისგან “ოცნების გუნდი” შეადგინა, რომელშიც უნგრული “უიპეშტისა” და საქართველოს ნაკრების შემტევი გიორგი ბერიძეც მოხვდა.

აღნიშნულ გუნდში ქართველი შემტევის შეფასება 6.0-ია, რაც მეორე მაჩვენებელია. “ოცნების გუნდში” ბერიძეზე მაღალი მაჩვენებელი მხოლოდ “ფერენცვაროშის” მარჯვენა ვინგერს მირტო უზენის აქვს.

გიორგი ბერიძემ უნგრეთის ჩემპიონატის მიმდინარე სეზონში 13 შეხვედრა ჩაატარა და 5 გოლი გაიტანა.