გერმანული მედია: ჩაკვეტაძის თამაშით ფანები ისიამოვნებენ

საქართველოს ნაკრების შემტევმა გიორგი ჩაკვეტაძემ, რომელიც ბელგიური “გენტიდან” “ჰამბურგში” 6-თვიანი იჯარის წესით გადავიდა, ისტორიული გერმანული კლუბის მაისურით მორიგი შეხვედრა ჩაატარა.

გიორგიმ “ჰაიდენჰაიმთან” მოგებულ შეხვედრაში 35 წუთი ითამაშა. იგი მოედანზე 66-ე წუთზე ფარიდე ალიდუს ნაცვლად შევიდა.

გიორგი თამაშს გერმანულ მედიაში საკმაოდ კარგი გამოხმაურებაც მოყვა.

“გიორგი ჩაკვეტაძე მატჩში თავიდანვე დიდი ენერგიით ჩაერთო. იგი მოედანზე შესვლიდან ბურთს 26-ჯერ შეეხო დაორთაბრძოლების 88% მოიგო.

ჩაკვეტაძეს ჯერ კიდევ დრო სჭირდება ადაპტაციისთვის და გუნდთან შესაგუებლად, მაგრამ დასაწყისი წარმატებულია და მისი თამაშით ფანები ნამდვილად ისიამოვნებენ”, – წერს გერმანული მედია.