გენოს ქამბექი: პეტრიაშვილმა ირანელს ბრძოლა შემოუტრიალა და ფინალშია

განაღდებული კიდევ ერთი მედალი. გენო პეტრიაშვილმა საოცარი ქამბექი შემოგვთავაზა და ირანელი ამირ ჰოსეინ ზარე 6:3 დაამარცხა.

პირველ პერიოდში ირანელმა გენო ორჯერ გაიყვანა ხალიჩიდან. პლუს, პროვოკაციული ქმედებით მსაჯს გენოსთვის გაფრთხილება მიაცემინა და პერიოდი 3:0 მოიგო.

მეორე პერიოდში გენომ თავისი მაღალი კლასის ხარჯზე 6 ქულა აართვა მეტოქეს და ხვალ ოლიმპიადის ფინალში იჭიდავებს.

შეგახსენებთ, საქართველოს დელეგაციას ტოკიოში 2 ოქროს მედალი აქვს მოპოვებული და ხვალ მესამე უმაღლესი სინჯის მედლის მოპოვების შანსი გვაქვს (ჯამში უკვე 8 მედალი გვაქვს).