ბოლქვაძემ უშანსოდ წააგო და ჩიკაგოში ძირითად ბადეში ვერ მოხვდა

23 წლის ქართველი ჩოგბურთელი მარიამ ბოლქვაძე აშშ-ს ქალაქ ჩიკაგოში მიმდინარე საერთაშორისო ტურნირის (საპრიზო ფონდი 565 530 დოლარი) ძირითად ბადეში ვერ გავიდა.

2021 Chicago Fall Tennis Classic-ის კვალიფიკაციაში მე-13 ნომრად განთესილმა ბოლქვაძემ პირველ წრეში ჩილელ ბარბარა გატიკას 6:2, 6:1 სძლია, გადამწყვეტ რაუნდში კი იდენტური ანგარიშით დამარცხდა რუს ანა კალინსკაიასთან.

შეგახსენებთ, რომ ქართველ ჩოგბურთელს WTA-ს რეიტინგში 374 ქულით 188-ე ადგილი უკავია.