ბოლქვაძემ ერთეულებში წააგო, მაგრამ წყვილებში ბრძოლას აგრძელებს

23 წლის ქართველმა ჩოგბურთელმა მარიამ ბოლქვაძემ მეოთხედფინალური მატჩი წააგო საფრანგეთის ქალაქ პუატიეში მიმდინარე საერთაშორისო ტურნირზე, რომლის საპრიზო ფონდიც 80 ათასი დოლარია.

ბოლქვაძე დღეს INTERNATIONAUX FÉMININS DE LA VIENNE-ზე მე-4 ნომრად განთესილ ხლოე პაკეს გაეჯიბრა (საფრანგეთი) და მართალია, დიდი ბრძოლა გაუმართა, საბოლოოდ, 3:6, 6:3, 3:6 დამარცხდა.

სამაგიეროდ, მარიამი ბრძოლას აგრძელებს წყვილთა ტურნირში, სადაც სამანტა მარი შარანთან ერთად ასპარეზობს. ქართველმა და ბრიტანელმა ჩოგბურთელებმა მე-2 ნომრად განთესილი ფრანგულ-იტალიური დუეტი (ესტელ კასკინო-კამილა როსატელო) 6:4, 7:5 დაამარცხეს და ნახევარფინალში გავიდნენ.